Përdorimi i saktë antibiotikëve
Rritja e rezistencës ndaj antibiotikëve është një kërcënim për njerëzit dhe kafshët në mbarë botën. Po ashtu në Zvicër. Me qëllim që të vazhdojmë të kemi antibiotikë efektivë, duhet t’i përdorim ato me ndjenjë përgjegjësie. Kush merr antibiotikë me recetë, duhet të kujdeset për marrjen dhe kthimin korrekt mbrapa. T'i përdorim ato siç duhet, është e rëndësishme.
Pyetjet më të rëndësishmedhe përgjigjet për antibiotikët dhe rezistencat e antibiotikëve
Çfarë janë antibiotikët?
Antibiotikët janë medikamente me detyrim recete që pengojnë rritjen e baktereve ose i vrasin bakteret. Antibiotikët janë pa efekt kundër viruseve (p.sh. të ftohurit, gripit).
Çfarë janë rezistencat ndaj antibiotikëve?
Përdorimi i antibiotikëve mund të çojë në këtë që bakteret të përshtaten dhe antibiotikët të mos kenë më efekt. Bakteret rezistente mund të shumohen dhe të transmetohen tek njerëzit dhe kafshët e tjera. Rezistentë, nuk bëhen njerëzit por bakteret.
Pse janë një problem rezistencat ndaj antibiotikëve?
Infeksione me baktere rezistente mund të trajtohen vetëm me vështirësi ose aspak. Një përdorim i shpeshtë ose i gabuar i antibiotikëve mund të përshpejtojë krijimin dhe përhapjen e rezistencave.
Çfarë mund të bëjmë ne?
Sqaroheni me një person të kualifikuar mjekësor nevojshmërinë e një terapie me antibiotikë.
Antibiotikët ndikojnë vetëm kundër baktereve. Ata nuk janë të nevojshëm ndaj çdo infeksioni bakterial dhe mund të shkaktojnë pasoja anësore. Shumë infeksione kurohen edhe pa ata. Kundër viruseve (p.sh. të ftohurit, gripit) antibiotikët janë pa efekt.
Merrni antibiotikë vetëm siç ua ka dhënë me recetë mjekja ose mjeku.
Zbatoni me saktësi dozimin dhe kohëzgjatjen e trajtimit. Mos lini mënjanë asnjë marrje. Në rast të efekteve anësore, drejtojuni klinikës së mjekut tuaj, klinikës së dentistit tuaj ose farmacisë.
Ktheni antibiotikët e tepërt në farmaci ose në klinikën e mjekut.
Mos i ruani antibiotikët e mbetur në shtëpi dhe mos i përdorni ato në rast të një sëmundje tjetër. Mos ua jepni antibiotikët
personave të tjerë dhe mos i flakni asnjëherë në mbeturinat shtëpiake ose në ujërat e zeza.